Deildarstjóri

Í Fálkaborg eru þrjár deildir sem eru aldursskiptar í yngstu, mið og elstu deild. Fjölmenning er stór þáttur í starfinu okkar í Borg og við búum yfir mikilli þekkingu og reynslu af fjölmenningarlegu leikskólastarfi. Áherslan okkar er á hæglátt leikskólaumhverfi fyrir börn og starfsfólk. Við leitumst við að nýta styrkleika okkar allra og eiga í góðu samstarfi þvert á deildir.

Starfsfólk í leikskólum Reykjavíkurborgar fær árlegan heilsuræktarstyrk og einnig mánaðarlegan samgöngustyrk noti það umhverfisvænar leiðir í og úr vinnu. Það er frítt í sund í laugum borgarinnar fyrir starfsfólk og það getur fengið menningarkort og fæði á vinnutíma. Börn starfsfólks í leikskólum Reykjavíkurborgar fá forgang í leikskóla í Reykjavík. 

Útfærsla styttri vinnuviku fer eftir óskum starfsfólks og hvernig hentar fyrir starfsstaðinn.

Hæfni sem óskað er eftir að umsækjandi búi yfir

• Leikskólakennaramenntun og leyfisbréf kennara
• Farsæl reynsla af sambærilegu starfi
• Áhugi á þróunarstarfi sem varðar flæði og hæglæti
• Frumkvæði í starfi
• Framúrskarandi hæfni í mannlegum samskiptum
• Góð aðlögunarhæfni
• Góð leiðtogafærni og geta til að koma auga á styrkleika ólíkra einstaklinga
• Íslenskukunnátta B2 skv. samevrópska tungumálarammanum

Næsti yfirmaður: Leikskólastjóri.

Starfssvið deildarstjóra: Starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla og stefnu viðkomandi sveitarfélags.

Verkefni sem deildarstjóri ber ábyrgð á

Stjórnun og skipulagning:

• Tekur þátt í gerð skólanámskrár, ársáætlunar, mati á starfsemi leikskólans og þróunarverkefnum undir stjórn leikskólastjóra.
• Ber ábyrgð á stjórnun, skipulagningu, framkvæmd og mati starfsins á deildinni
• Annast daglega verkstjórn á deildinni og ber ábyrgð á að miðla upplýsingum innan deildarinnar, milli deilda leikskólans og milli leikskólastjóra og deildarinnar.
• Ber ábyrgð á og stýrir deildarfundum og skipuleggur undirbúningstíma starfsfólks deildarinnar.
• Hefur umsjón með móttöku, þjálfun og leiðsögn nýrra starfsmanna deildarinnar.
• Fylgist með að deildin sé búin nauðsynlegum uppeldis- og kennslugögnum í samvinnu við leikskólastjóra.

Uppeldi og menntun:

• Ber ábyrgð á að unnið sé eftir skólanámskrá og ársáætlun leikskólans á deildinni.
• Tryggir að sérhvert barn á deildinni fái kennslu, leiðsögn, umönnun og/eða sérkennslu eftir þörfum.
• Ber ábyrgð á að meðferðaráætlunum sérfræðinga vegna einstakra barna sé framfylgt.

Foreldrasamvinna:

• Skipuleggur samvinnu við foreldra/forráðamenn barnanna á deildinni s.s. aðlögun, dagleg samskipti og foreldraviðtöl.
• Ber ábyrgð á að foreldrar/forráðamenn fái upplýsingar um þroska og líðan barnsins og þá starfsemi er fram fer á deildinni og ekki varðar trúnað gagnvart öðrum börnum og foreldrum/forráðamönnum þeirra.
• Situr foreldrafundi, sem haldnir eru á vegum leikskólans.
• Ber ábyrgð á að leitað sé samþykkis foreldra/forráðamanna barns, áður en leitað er aðstoðar annarra sérfræðinga.

Annað:

• Skipuleggur samvinnu við ýmsar stofnanir og sérfræðinga sem tengjast leikskólanum í samráði við leikskólastjóra.
• Situr starfsmannafundi, deildarstjórafundi og aðra fundi er yfirmaður segir til um og varðar starfsemi leikskólans.
• Sinnir þeim verkefnum er varðar uppeldi og menntun barnanna og stjórnun deildarinnar sem yfirmaður felur honum.

Óskað er eftir að viðkomandi geti hafið störf sem fyrst eða eftir nánara samkomulagi.

Laun eru samkvæmt samningi Reykjavíkurborgar og hlutaðeigandi stéttarfélags. 

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Ef ekki fæst einstaklingur með kennaramenntun verður litið til annarrar uppeldis- eða sálfræðimenntunar og/eða reynslu.

Frekari upplýsingar um starfið gefur Linda Rún Traustadóttir leikskólastjóri í Borg í síma 849-7333 í gegnum netfangið linda.run.traustadottir@reykjavik.is eða borg@reykjavik.is